ទោះបីជាត្រូវប្រឈមមុខនឹងតារាចម្រៀងល្បីៗ ជំនាន់ក្រោយជាច្រើន រួមទាំងវ័យកាន់តែច្រើនក៏ដោយ ក៏រហូតមកដល់ពេលនេះលោក ព្រាប សុវត្ថិ នៅតែស្ថិតក្នុងលំដាប់កំពូលនៃតារាចម្រៀងនៅឡើយ។ ការរក្សាបានតំណែងដ៏យូររបស់តារាចម្រៀងព្រាប សុវត្ថិ ធ្វើឱ្យគេកោតសរសើរចំពោះទេពកោសល្យ និងចង់ស្វែងរកមូលហេតុអ្វីខ្លះ ដែលនាំឱ្យលោកទទួលបានការគាំទ្រមិនចេះរីងស្ងួតដូច្នេះ។
ជួបជាមួយកោះសន្តិភាពនាពេលថ្មីៗនេះ
កំពូលតារាចម្រៀងព្រាប សុវត្ថិ បានបញ្ជាក់ថា ទេពកោសល្យ
ឬសមត្ថភាពសម្តែង រួមទាំងទឹកដមសំឡេងពីធម្មជាតិ
មិនមែនជាកម្មវត្ថុទាំងស្រុងដែលនាំឱ្យអ្នកសិល្បៈទទួលបានការ
គាំទ្រនោះទេ ប៉ុន្តែអ្វីដែលសំខាន់គឺ
ការផ្លាស់ប្តូរឥរិយាបថតាមពេលវេលា និងការស្វែងយល់អំពី
ចំណង់ចំណូលចិត្តរបស់ទស្សនិកជនទៅតាមកាលៈទេសៈ។
ទន្ទឹមនោះអាកប្បកិរិយា សីលធម៌រស់នៅប្រចាំថ្ងៃ
គឺជាកត្តាសំខាន់បំផុតសម្រាប់អ្នកសិល្បៈម្នាក់ៗ
ដែលចង់ក្លាយជាអ្នកល្បីយូរអង្វែង។
ទាក់ទិននឹងការងារសិល្បៈនាពេលបច្ចុប្បន្ន
លោកព្រាប សុវត្ថិ ឱ្យដឹងថា
លោកកំពុងតែហ្វឹកហាត់ស្ទីលថ្មី និងប្លែកៗ ដែលសមស្រប
និង
បំពេញតម្រូវការសម្រាប់ទស្សនិកជនគ្រប់វ័យ ពិសេសនោះពេលកំពុងតែត្រៀមចេញវ៉ុលថ្មី សម្រាប់ឆ្នាំ២០១២។ បទចម្រៀងដែលត្រៀមចេញនោះ គឺជាប្រភេទបទអបអរសាទរឆ្នាំថ្មី និងបទត្រៀមបង្ហាញក្នុងកម្មវិធីប្រគំតន្ត្រី Best of the Best ដែលនឹងប្រព្រឹត្តទៅនាថ្ងៃទី១៤ កុម្ភៈ ឆ្នាំ២០១២ ដែលជាថ្ងៃនៃសេចក្តីស្រលាញ់។
បំពេញតម្រូវការសម្រាប់ទស្សនិកជនគ្រប់វ័យ ពិសេសនោះពេលកំពុងតែត្រៀមចេញវ៉ុលថ្មី សម្រាប់ឆ្នាំ២០១២។ បទចម្រៀងដែលត្រៀមចេញនោះ គឺជាប្រភេទបទអបអរសាទរឆ្នាំថ្មី និងបទត្រៀមបង្ហាញក្នុងកម្មវិធីប្រគំតន្ត្រី Best of the Best ដែលនឹងប្រព្រឹត្តទៅនាថ្ងៃទី១៤ កុម្ភៈ ឆ្នាំ២០១២ ដែលជាថ្ងៃនៃសេចក្តីស្រលាញ់។
ចំពោះការងារនៅស្ថានីយទូរទស្សន៍រស្មីហង្ស
មាស លោកព្រាប សុវត្ថិ បង្ហើបប្រាប់ថា
ដោយសារជាប់រវល់មមាញឹកនឹងការប្រកបមុខរបរផ្ទាល់ខ្លួននោះ
លោកមិនមានពេលវេលាគ្រប់គ្រាន់ដើម្បីបំពេញការងារជាប់
លាប់នៅស្ថានីយទូរទស្សន៍រស្មីហង្សមាសទេ
ប៉ុន្តែលោកនៅតែជាតារាចម្រៀងប្រចាំផលិតកម្មរស្មីហង្សមាសដដែល
។
តារាចម្រៀងព្រាប សុវត្ថិ បានទទួលស្គាល់ថា
លោកមានវ័យកាន់តែច្រើនហើយ
ដូច្នេះមិនអាចនឹងទស្សន៍ទាយបានទេថា
ការច្រៀងរបស់លោកនាពេលខាងមុខនឹងទទួលបានការគាំទ្របន្តទៀត
ដែរ ឬយ៉ាងណាទេ?
ប៉ុន្តែសម្រាប់រូបលោកផ្ទាល់នៅតែបន្តខិតខំយកចិត្តទុក
ដាក់ និងព្យាយាមបង្កើនសមត្ថភាពជាបន្តបន្ទាប់
ដើម្បីបង្ហាញទេពកោសល្យទាន់សម័យ
និងទទួលបានការគាំទ្រដូចពីមុននិងពេលបច្ចុប្បន្ននេះ។
បើទោះជាលោកព្រាប សុវត្ថិ
មិនបានបង្ហាញមុខញឹកញាប់លើវេទិកាប្រគំតន្ត្រីដូចតារា
ចម្រៀងល្បីៗឯទៀត
ប៉ុន្តែពេលលោកឡើងច្រៀងក្នុងកម្មវិធីប្រគំតន្ត្រី
ម្តងៗទទួលបានការអបអរសាទរពីប្រិយមិត្តទស្សនិកជន
ជាពិសេសយុវវ័យច្រើន៕
ដកស្រង់អត្ថបទទាំងស្រុងពី៖ កោះសន្តិភាព
ដោយ ៖ ប្រុសកោះ
0 មតិយោបល់:
Post a Comment